A un pasu de la mítica cai Gascona, n’Uviéu, esfrutemos d’una bona fartura de cocíu garbanzos y Sidra Brut Nature Emilio Martínez, una combinación pocu predecible y perembargu pímpana que mos sirven con profesionalidá nuna perguapa cacía de San Claudio.
El frescor de la sidre resalta perfechamente el saborgor d’un de los meyores cocios que prebare en tiempu, abondosu en verdures y compangu, col caldu servíu aparte pa consumir al gustu; p’añadi-y picor, una guindilla o pimentón estra, y pa resta-ylu, una copina del brut nature DOP del llagar de Sidra El Gobernador.
Eso si, el cocíu del Asador de Aranda nun ta disponible más que los miércoles, pero paga la pena.
Completamos con tarta de postre y detalle de llicor de la casa con rosquilles caseres sabor güelita.
ASADOR DE ARANDA – Cai Xovellanos 19, Uviéu T. 985 21 32 90
