Clú de LA SIDRA

¿Qué ye?
El Clú de LA SIDRA ye un puntu d’alcuentru ente amantes de la sidre p’afondar na conocencia y esfrute d‘ésta, de la compañía d’apasionaos/es de la sidre y deprender d’espertos profesionales nel ámbitu sidreru.
Constitúi por sigo mesma la fórmula afayaíza p’adientrase na cultura de la sidre, nun ambiente relaxáu y cuntando siempres col asesoramientu d’especialistes p’ampliar el conocimientu d’esta cultura.

¿Qué ufierta?
Amás de ser un puntu d’alcuentru ente xente cola que comparte la to pasión sidrera nel meyor ambiente, formar parte del Clú de LA SIDRA ufierta beneficios como:
• Descuentos de fasta un 50% nes actividaes qu’entama, como les tasties de sidra que se rialicen d’avezu los primeros xueves de cada mes, o les visites guiaes a los llagares.
• Esfrutar d’ufiertes mensuales de sidre nacional ya interacional a precios competitivos.
• Descuentos en tolos productos de la Tienda de La Sidra (www.lasidra.as/tienda)
• Información puntual al traviés de whatsapp de les actividaes del Clú de LA SIDRA y polo xeneral de toles convocatories sidreres.

¿Cómo formar parte del Clú de LA SIDRA?
Hai dos mecanismos:
• Suscribise a la revista LA SIDRA (48 € añales y recibes mensualmente la revista)
• Cuota añal de 45 € canxeables por productos de la Tienda de LA SIDRA (www.lasidra.as/tienda)