El Xardín Botánicu va acoyer, esti sábadu, un taller sobro aspeutos sensoriales y culturales de la Sidre d’Asturies
LA SIDRA.- Esti sábadu 23 d’abril, a les 12 hores, el Xardín Botánicu Atlánticu de Xixón va acoyer el taller: Aspeutos sensoriales y culturales de la Sidra d’Asturies. Esta actividá, dirixida a mayores de 18 años, va sirvir por que los participantes empecipien na conocencia y mecánica del usu de los sentíos, fundamentalmente gustu y olfatu, pa la reconocencia de les estremaes tribes de sidres amparaes pola Denominación d’Orixe de Sidre d’Asturies.
Coles mesmes, va faese un percorríu polos distintos momentos relevantes al traviés de la hestoria que faen que la Sidre d’Asturies tea un papel tan importante na cultura asturiana como productu étnicu y identitario. El taller va ser impartíu por José Antonio Norniella.
