De les 38 sidres presentaes fueron seleicionaes siete, que pasen a la final a cellebrar el prósimu 11 d’abril
LA SIDRA.- Güei tuvo llugar na Sidrería La Montera Picona de Ramón, la primer fase del Concursu Meyor Primer Sidre l’Añu, con un xuráu presidíu por Manuel G. Busto, y formáu tamién por Ana Mª Viciosa, Joaquín Fernández, Luis Castro, David Martín y Emilio Rubio, cuntándose con Alejandra Venegas como echaora.
El de la Meyor Primer Sidre L’Añu ye l’únicu concursu que tien como protagonista la sidre sobro la madre, ello ye, ensin trasegar, y nelli participen 38 llagares–lo que fai que seya ún de los concursos con mayor participación-.
La calidá de les sidres presentaes, foi bien curioso, lo que fexo que’l llabor del xuráu resultare enforma complicáu. A la fin, clasificárense pa la final, los llagares que vienen darréu (per orde alfabéticu, non de clasificación): Alonso, Acebal, Buznego, Cabueñes, Cortina, J. Tomás, Roza
La sidre ganadora sedrá la oficial de la XII Primer Sidre L’Añu, y la final tendrá llugar el prósimu llunes 11 d’abril, Tamién na Sidrería La Montera Picona, de magar les 18:00 h, y tará abierta al públicu, que tendrá llueu la oportunidá de prebales.
