Esti sábadu 2 d’abril cellebraráse en dos xornaes, la primera esti sábadu 2 d’abril, y d’ella saldrán les 5 finalistes que pasarán a la final a cellebrar la selmana que vien.
La sidre ganaora sedrá la oficial de la XII Primer Sidre L’Añu
LA SIDRA.- La IX edición de la Meyor Primer Sidre L’Añu, entamada pola revista LA SIDRA y la Fundación Asturies XXI, va xebrase en dos xornaes estremaes, tres les que se va acabar decidiendo la sidre ganaora. Como vien siendo avezao, la sidrería La Montera Picona de Ramón va ser el llugar escoyíu para tastiar les sidres de los distintos participantes.
Esti añu preséntense al concursu 38 palos de sidre, lo que fai d’esti ún de los principlaes certames de sidre en númberu participantes y l’únicu nel que se valora la sidre nuevo.
Dende los entamos del concursu, la intención siempres foi apostar por recuperar la sidre ensin trasegar, que, práuticamente, esaniciárase del mercáu por cuenta la industrialización de los llagares y l’aplicación xeneralizada de los trasiegos. Una sidre que, ca vegada más, los llagares van animándose a comercializar.
El xuráu del concursu va tar costituyíu por distintos especialistes del seutor sidreru asturianu, con Manuel G Busto de Presidente, y va cuntar con Alejandra Venegas como echaora. La sidre ganaora sedrá la oficial de la Primer Sidre L’Añu -PSLA-
