Demientres l’añu pasáu esta revista espublizó cómo afiguren la sidre y la cultura sidrera los artistes asturianos más importantes del nuesu país. Tou ello, hai que siñalar, gracies a la collaboración del Muséu de Belles Artes d’Asturies, una entidá pública dedicada a “alquirir, caltener, estudiar, esponer y espublizar el ricu patrimoniu artísticu qu’atesora”.
LA SIDRA.- Como yá señalemos n’ediciones anteriores, dicha institución cunta con una gran cantidá d’obres onde la sidre apaez representae. Nesti artículu vamos falar de dos d’elles: ‘La Tonada’, de Manuel Medina Díaz (Roces, Xixón 1881-1955); y ‘Día de fiesta (Asturies)’ d’Ignacio León y Escosura (Uviéu 1834 – Toledo 1901).
El pintor xixonés Manuel Medina Díaz esmeróse por representar na so obra la captación del mundiu que lu arrodiaba. “Los sos temes céntrense nel paisaxe, la semeya, el bodegón y la escena costumista, que representó con un tratamientu sobriu y espresivu y con esmolición pol detalle y los efeutos de lluz” desplícase na Real Academia de la Hestoria.
