Averámonos a la Sidrería Prida, en Nava, sabiendo qu’ellí Saúl Moro garantizará que la sidre tea impecablemente echao y con dellos palos de calidá pa escoyer: Sidra Orizón y la so Denominación d’Orixe Novalín, Sidra Roces y la nuesa eleición, Sidre Viuda de Angelon.
D’ente la so variada carta encamentámosvos prebar esti Sollombu de Xata IXP al foie y redución de Pedro Ximenez, de tastu intensu al tiempu qu’equillibráu, xuníu a una testura tienra que cuasi se desfae na boca, espectacular, un auténticu regalu pa los sentios.
La ensalada quesos y frutes con crema de sidre y mazana cola qu’acompanguemos el sollombu tamién foi un aciertu.
La mezcla de tastu dolce y saláu, xunto col contraste de testura en boca de la cremosidá del quesu cola mazana, too ello repuntao col toque d’acidez qu’apurre la crema de sidre, dan a esta ensalada un calter propiu perinteresante.
Sidrería Prida. La Colegiata 12. Nava / T. 985 71 73 45
