Nel centru museísticu atopamos una gran cantidá d’ellementos qu’amuesen el procesu d’ellaboración tradicional de la bébora más emblemático d’Asturies; dende imponentes prenses y peses, mayos, toneles, enllenaores y corchaores; fasta zapiques, vasos y botelles, toa una interesante colleición qu’amuesa cómo foi evolucionando’l consumu; una visita que, si tamos en Xixón, ye d’obligáu cumplimientu
LA SIDRA.- hai que señalar que’l muséu ocupa un recintu arboláu de 35.000 m2 y tien una llamarga d’agua salobre, “alcordanza de la marisma que n’otru tiempu apoderaba l’agüera del ríu Piles. Esti recintu costitúi un prestosu espaciu d’arruelu nel que tantu’l muséu como la ciudadanía entamen estremaes cellebraciones” despliquen nel so sitiu online.
Ello ye que ye nesti llugar onde se cellebra una de les manifestaciones culturales sidreres más importantes del país, como ye la Primer Sidre l’Añu, que se lleva a cabu demientres la Selmana Santa. Con éses, tornando al muséu, esti cunta con distintes colleiciones que s’amuesen al públicu en distintos edificios, dalgunos de los cualos, como les casones, los horros y les paneres, constitúin en sí mesmos una parte de la esposición. Y, poques gracies, el llagar de sidra.
