Güei, miércoles díi 2, entamen de manera oficial les Xornaes Gastronómiques del Pulpu A Feira «Álvaro Cunqueiro» entamaes pola confradería gastronómica avilesina del Yumay, con see na sidrería de Villalegre que-yos da nome
LA SIDRA.- Estes xornaes gastronómiques, van cuntar cola participación de los pulpeiros Diego González ya Iván Veiga (de Touro Loxo) y van rematar el 7 d’esti mes cola entrega cola entrega de los Premios Comensal de Honra Álvaro Cunqueiro, que na so edición 2021 –que se cellebra conxuntamente cola 2022 de resultes del andanciu- tien como protagonista a Xesús Palmou, que ye presidente de l’Academia Xacobea y ex Conselleiro de la Xunta de Galicia. Palmou cuenta, ente otres distinciones, cola Medalla del Méritu al serviciu de l’Abogacía.
Al empar, xunta’l suyu, entregaráse tamién el premiu Comensal de Honra «Álvaro Cunqueiro 2022» que recayó nel Clú de Guisanderes d’Asturies, representáu pola so presidenta, Amada Álvarez.
Estes xornaes empecipiaron en 2013 xunta los premios y namás dexó de cellebrase en 2021 por mor del andanciu.
