D’ente les 205 sidres participantes, la sidre de xelu del llagar mierense foi la ganadora absoluta del III Concursu de Sidre Internacional del Sagardo Forum
LA SIDRA.- Nesta tercer edición del concursu foron premiaes 168 de les 205 sidres presentaes, destacando munches de les yá gallardonaes nel recien XI Salón Internacional de les Sidres de Gala, como Oiharte, Domaine de La Mare, Cyderka o Ramos del Valle del llagar Fran.
Na categoría de Sidre natural asturiana, la ganaora foi Val de Boides, la DOP del llagar castañón. Asina mesmo, el llagar de Trabanco y El Gaitero tamién algamaron dellos gallardones nes categoríes presentaes.
Esti concursu de sidre, cellebróse dientru del IV Sagardo Forum, eventu internacional biañal entamáu por Sagardoaren Lurraldea en collaboración con diversos axentes, ente otros: Eduardo Coto y Antonio Roa, el Laboratorio Fraisoro de la Diputación Foral de Gipuzkoa, Fruitel y la Denominación d’orixe Euskal Sagardoa.
