El comité executivu d’Hostelería d’España, encabezáu pol so presidente José Luis Yzuel, de la Confederación Española d’Hoteles y Agospiamientos Turísticos (CEHAT), y de OTEA visitaron el Cider Lab de la DOP Sidre d’Asturies, instaláu nel International Cheese Festival
LA SIDRA.- El presidente del Conseyu Regulador de la DOP Sidre d’Asturies, Guillermo Guisasola; y el xerente de la entidá, Daniel Ruiz, exercieron d’anfitriones nun actu espontaniu nel marcu del gran eventu gastronómicu qu’estos díis se cellebra n’Uviéu. Toos ellos brindaron con sidre d’Asturies, ellaborada con mazana 100% asturiana, pola bona salú de la que gocia la gastronomía del país, y falaron dellos minutos sobro l’actualidá del seutor.
La comedia del festival, al cargu d’Alberto Rodríguez
Nun podíen faltar les rises na penúltima xornada del International Cheese Festival. L’actor y cómicu mierense Alberto Rodríguez presentó, nel marcu del Gastro Cheese Comedy, l’espectáculu ‘Sidre y quesu saben a besu’. Un monólogu nel que xigaratió sobro estos dos productos tan representativos de la gastronomía asturiana.
