L’actu tuvo llugar na Ruta los Vinos carbayona, y cuntó con una gran acoyía
LA SIDRA.- Los amantes de la sidra y el quesu esfrutaron, esti miércoles n’Uviéu, d’una tastia gastronómica cellebrada nel restorán La Comtienda, asitiáu na cai Manuel Pedregal.
L’actu, entamáu pol Conseyu Regulador de la DOP y l’Asociación Ruta de los Vinos d’Uviéu, axuntó a decenes de presones. Toes elles pudieron tastiar la sidra de les marques de sidres d’espolleta acoyíes a la Denominación d’Orixe Protexida, acompangaes de dellos quesos asturianos, tamién con denominación.
L’actu enmárcase dientru de les aiciones previes al International Cheese Festival que se va cellebrar n’Uviéu del 3 al 6 de payares, y nel que la DOP Sidra d’Asturies va ser el maridaxe oficial del eventu.
