¿Sabéis que ye una “paella ciega”? porque yo teo de reconocer que fasta hai bien pocu nun sintiera denyuri esa espresión.
Non, nun quier dicir que vaigas ponete ciegu a paella, seique nel casu de la xenerosa paella que mos sirvieron na Sidrería El Tarteru esa definición sedría tamién afayaíza.
Una paella ciega ye aquella que nun tien tropiezos: nin cáscares, nin güesos, nin espines, nin dengún estorbu que distraiga’l comensal de saborguiar al másimu los sos ingredientes.
Ta nidio qu’eso conlleva una emportante llabor estra pal equipu cocina, pero la verdá ye que dende’l puntu vista del que la esfruta, l’esfuerciu paga dafechu la pena.
Nesta ocasión, la única distraición, positiva, pal tastu, foi la sidre, del Llagar Castañón, cola qu’acompangamos esta delicia, cien por cien d’encamentar.
SIDRERÍA EL TARTERU- Marqueses d’Argüelles, Ribeseya T. 644 30 34 96
