José Antonio Norniella ufiertó esta tardi una masterclass sensorial nel Centru de Formación d’Hostelería y Turismu de Xixón
LA SIDRA.- Esti xueves16 de setiembre, el Conseyu Regulador de la DOP Sidre d’Asturies cellebró, nel Centru Integráu de Formación Profesional d’Hostelería y Turismu (CIFP) de Xixón, una masterclass sensorial de la sidre. La sesión, destinada a más de venti alumnos del centru, foi dirixía pol espertu sidreru José Antonio Norniella.
L’actividá tuvo como oxetivu deprender a tastiar y reconocer los atributos de la sidre d’Asturies, ellaborada con mazana 100% asturiana. “Ye un placer y un arguyu poder compartir colos alumnos d’Hotelería les bondaes d’esti productu tan nuesu. Estes sesiones sírven-yos p’afayar los sos secretos. Cellebro que la moecedá tea interés pola sidre d’Asturies”, destacó Norniella.
