La marca acoyía a la Denominación d’Orixe venció nel XXXVII Concursu de la Sidre Natural cellebráu na villa maliaya; una reconocencia a un llagar que dende los sos entamos apostó pola calidá na so produición
LA SIDRA.- ¡Norabona a Sidra Cabueñes! El llagar allugáu en Xixón ganó cola so marca acoyía a la Denominación d’Orixe Protexida’l XXXVII Concursu de Sidre Natural de Villaviciosa. “Siempres tuviemos la illusión de ganar, porque amás yo soi de Villaviciosa y tenemos el llagar en Xixón. Ganamos fai xustamente diez años agora y siempres tenemos la illusión de venir equí y, amás de tomar unos culetes, pos si llevamos esti premiu pa casa, sentimos con munchu arguyu” dixo Diego Agüera a los medios de comunicación.
La sidea del llagar Cabueñes ganó con una puntuación bien afecha: 85 puntos, la que lu siguió llogró 84. “Son númberos que siempres voi tener na alcordanza” siñaló’l llagarero quien darréu espublizó nuna rede social: “Bien arguyosos de ganar esti premiu en casa y de ver reconocíu’l gran trabayu y esfuerzu diariu del equipu de Sidra Cabueñes”.
Más información en próxima edición de revista LA SIDRA
