El propietariu de Sidrería El Llavianu confía dafechu na calidá de la sidre del llagar de Castañón, que ye la que tienen n’esclusiva, tantu Castañón, como la so DOP Val de Boides
LA SIDRA.- Nel Llavianu considérense una sidrería moderna y vanguardista na que respetaron la tradición, aplicando les nueves tecnoloxíes y siendo desaxeradamente profesionales. Eso precisamente ye lo que los diferencia; amás afixéronse perfechamente a les circustancies, acentuando enforma les normes d’hixene, tal como requier l’actual situación sanitario.
Define una sidre bono
Una sidre bona ye aquella que tenga bonos arumes, bon bouquet al paladar y que faiga bon vasu.
En función d’eso, ¿cómo escoyéis la sidra para El Llavianu?
Nós directamente vamos dacuando al llagar de Castañón y ellí podemos escoyer la sidra que meyor tea, dientro de la sidra d’esti llagar que sabemos siempres que mos va a salir bien. Por eso de tola vida tenemos n’esclusiva sidra de Castañón y de los llotes que tien Julián traemos los meyores, sabiendo que la regularidá que tien ye bien constante tol añu.
