Sigún les informaciones rellatives a les postreres xubíes de tarifes de la lluz, les empreses qu’utilicen refrixeración, comu ye’l casu de los llagares, van pagar alrodiu d’un 25% más de lluz, lo qu’implicará un bultable encarecimientu de la factura, que se cifra alrodiu de los 55€
LA SIDRA.- Entrugamos a los llagareros el so puntu de vista sobre’l tema ya’l resume podría ser l’esmolecimientu xeneral, n’espera a la viniente factura, xunto col comencimientu de que difícilmente se pueden camudar los horarios de trabayu p’adautase a los horarios de menor consumu. Los sobrocostes, avisen, podríen finar por repercutir nos precios finales de la sidre.
La utilización d’enerxies renovables, comu la solar, nun abulta una opción que los llagares tean teniendo en consideranza pa esquivar el facturazu, pesia que los teyaos de los llagares ufren un considerable espaciu nel qu’asitiar plaques fotovoltaiques.
Falamos con Astuenerxia y Renovables Asturias, qu’ufren interesantes alternatives.
