“La variedá de la ufierta de Coemastur permite a los llagares amenorgar costos” afirma Javier Vega, Responsable del Departamentu de Maquinaria de COEMASTUR
LA SIDRA.- Toos conocemos la faceta más visible de Coemastur, la empresa asturiana allugada en Siero, que dende l’añu 1990 ta dedicada a dar serviciu y solución a los problemes del seutor de la sidre.
Los sos echaores llétricos, material para hostelería, toneles, llagares caseros y accesorios sidreros d’estremada índole tán en cuasique tolos chigres y en munchos llares asturianos.
Sicasí, l’aportación más importante que realizó esta empresa a la sidre asturiano nun ye esa, sinón otra más centrada na I+D y la producción mesma de la sidre a gran escala.
Falamos d’ello con Javier Vega, que ye Responsable dende va cinco años del Departamentu de Maquinaria de Coemastur y lleva más de 20 años rializando istalaciones en llagares y bodegues.
