Cellebraráse’l prósimu xueves 5 d’agostu na Sidrería La Montera Picona de Ramón
LA SIDRA.- La tastia guiada entamada pol Clú de LA SIDRA que se cellebra los primeros xueves de ca mes, en collaboración cola Escuela d’Hostelería de Xixón, cellebraráse esti mes d’agostu na Sidrería La Montera Picona de Ramón -Xixón- al ser esti un mes de vacancies escolares.
En esta ocasión, el protagonista sedrá l’emblemáticu llagar xixonés, Sidra Menéndez, y la tastia guiada sedrá impartía pol enólogu Jose A. Norniella, cuntándose tamién cola presencia del llagareru Gerardo Menéndez, ya incluirá la sidre:
- Menéndez
- Llagar de Quintana
- Menéndez Ecolóxica DOP
- Val d’Ornón DOP
La Tastia Guiada tendrá llugar el xueves 5 d’agostu, a les 20 hores na Sidrería La Montera Picona de Ramón, cuntará cola echaora Alejandra Venegas, y tendrá una duración aprosimao de 1 hora y 15 minutos.
El preciu pa participar na mesma ye de 10 €, 5 € nel casu de miembros del Clú de LA SIDRA y de suscritores de la revista LA SIDRA.
Daes les propies carauterístiques del eventu, el númberu places ta llindáu, y cubriránse per rigurosu orde d’iscripción.
P’apuntase: info@lasidra.as / T. 652594 983
