La carta inclúi menestra, carne gobernao y tarta de quesu con zreces
LA SIDRA.- Fasta’l domingu 16 de mayu un total de 29 restoranes y sidreríes van sirvir el menú de l’Ascensión, una de les propuestes gastronómicos de mayor tradición n’Uviéu y cola que pretende contribuyise a la recuperanza de l’actividá hostelero y turístico de de la ciudá.
El Menú de l’Ascensión consiste nun primer platu de menestra de temporada. Un segundu que recueye’l saber de la tradición guisandera como ye la carne gobernao al estilu uvieín. Y para rematar tarta de quesu con zreza. Esti menú va sirvise fasta’l domingu pa permitir esfrutar con amigos, compañeros del trabayu o cola familia, demientres la fin de selmana.
El Menú de l’Ascensión ye l’aportación de la hostelería de la ciudá de cara a les actividaes festives que s’entamen por cuenta de la festividá, y que tien el so orixe nun mercáu de ganáu que se desendolcaba nel llugar dende fai más de 200 años. Otea editó gastromapes col allugamientu de tolos participantes. Amás, tamién pueden consultase na web: www.escapadaasturias.com.
La hostelería d’Uviéu cumple escrupulosamente les midíes de prevención de la Covid-19 y los sos establecimientos son seguros. Pue haber fasta 6 comensales per mesa tantu n’interior como en terraces y síguense rigorosamente les midíes sanitaries.
