Va un par de domingos, recién rematando la Primer Sidre l’Añu, subí al merenderu La Cabaña a tomar unes botelles, pa ser más concretos, de Sidra Acebal. Una cosa llevó a la otra y pidí el menú (19,00 €)
D’entrante, escoyí crema de mariscu, seique cuasi la llamaría crema de ñocla, polo reconocible del tastu.
Pal primer platu, preferí la fabada a la paella mariscu. Creo que foi una bona elleición; fabada bien tresnada y bon compangu, perfecha pa combatir l’airín frescu que se llevantaba na terraza. Tamién ayudó que los camareros se decataren ceo y prendieren la estufa esterior.
De segundu platu podía escoyese cachopu de llinguáu o corderu a la estaca… otra vuelta nun tuve que duldar, muncho, corderu, al puntu de churruscaíno y tienro, acompangao d’una bona ensalá mista y patates.
Sidre incluyío en menú.
Sidrería Merenderu La Cabaña. Camín de la Ñora 587. Xixón T. 985 33 79 30
