La empresa Mela Val Venosta realizó esti mes un concursu de diseñu p’anovar el vestuariu de los sos fruteros, les prendes taben iguaes con borrafes de mazana
LA SIDRA.- N’anteriores ocasiones espublicemos los estremaos usos que se-y puede dar a la magaya, porque d’eso, en Asturies, tenemos abondo. Y agora traémos-yos un nuevu. La idega surdió de la empresa Mela Val Venosta, que la so intención foi anovar el vestuariu de los fruteros que vienden les sos mazanes y facelo al traviés d’un interesante concursu.
La empresa de llabradores propunxo a nueve alunos del Grau de Diseñu de Moda de LCI Barcelona que diseñaren dos priendes, un mandil y una pieza complementaria, utilizando un texíu innovador: reciclaxe de borrafes de mazana. D’elles escoyería un proyeutu ganador y dos finalistes. Hai que siñalar que los alumnos cursen l’asignatura optativa d’Estratexes de Ecodiseñu.
El certame, pasarela incluyía, cellebróse a entamos de febreru, con motivu del Díi del fruteru, y los ganadores fueron: en primer llugar Sonia Cuesta; en segundu Adrià Pérez y en terceru Alessia Lopedote. Nel Facebook de Serviceplan Group pue vese el desfile y les creaciones de los nuevos diseñadores.
