Depués de los escesos gastronómicos de les fiestes Navidiegues, facía falta una xinta llixerina que permitiere un descansu al estómadu, pero non al paladar -eso nunca-
LA SIDRA.- Por eso, nesta visita a la Sidrería El Alleranu de Fito decidimos pidir daqué más suavino que davezu.
Queríemos una ensalada, pero non que fuere la clásica mista, asina que optemos -bien encamentaos- por pidir una ensalada Daniela, con nueces, xamón, tomates cherry, pimientu, brotes de soya y espárragos.
Resultó ser esautamente lo que tábemos buscando, seique habrá que volver pa prebar el restu de la so carta.
Tomemos con ello un par de botelles de Sidra Castañón y pa completar la xinta -y que nun mos quedare tan light-, pidimos de postre una ración de tarta de quesu, casero, con marmiellada d’arándanos perriba, que mos sirvieron acompangao de xeláu de chocolate, una llambionada mui d’encamentar.
Sidrería El Alleranu de Fito – Cienfuegos 32. Xixón T: 985 16 44 52
