Entremos n’El Beyusco cuasique por casualidá, cola idega de tomar namás unos culinos y abellugase del fríu de la cai, pero tentómos l’arume del caldu mariscu y rendímosmos a la necesidá de prebar l’orixe de tal arrecendor.
Un caldín paez cosa cenciella, pero tomar ún nuna tardi de xarazu y que seya, de verdá, de mariscu, con tropiezos y demás, ye cosa que calez el cuerpu y l’ánimu, y dexa con ganes de más.
Asina que nun mos resistimos y pedimos a Beatriz, la voz sorriente qu’atiende tres de la barra, que mos recomendare daqué rico pa picar.
Asina foi comu llegamos a esti espléndidu pulpu a la chapa, tienru y saborgosu, cientu per cientu d’encamentar p’acompangar con unes botelles de sidre. Nós escoyimos Foncueva, pero tamién tienen Canal, Viuda de Angelón y la so DOP Prau Monga.
El Beyusco – Severo Ochoa 35 – Xixón T: 640 77 85 71
