La Fundación Asturies XXI convoca a les presones interesaes en collaborar cola sétima edición del Salón Internacional de les Sidres de Gala.
LA SIDRA.- El VII Salón Internacional de les Sidres de Gala supera toles previsiones de participación, tanto a nivel nacional como internacional, y aumenta les sos actividaes enforma, cola incluxón d’actividaes dende’l díi enantes, y la convocatoria del I Alcuentru de Periodistes y Bloggers de la Sidre, ello asina va necesitase la implicación de más presones con ganes de collaborar nesti eventu.
El nivel de voluntariáu márcalu la propia presona interesada, y les necesidaes a cubrir son munches, dende llabores de traducción (frances, inglés, alemán, italiano, danés, checo, polaco, eslovaco, japonés….) pa los participantes, a llabores de lloxística (tresllaos de presones, material, montaxe de stands, serviciu a los sands), pasando per publicidá, información, convocatories, Redes Sociales… Una auténtica fargatada d’actividaes pa les que se necesita tola collaboración posible.
Por supuestu, la Fundación Asturies XXI tamién sabe agradecer esta collaboración de diverses formes de tala miente qu’a la satisfaición de collaborar con esti perimportante eventu, tamién puean esfrutalu d’una forma más especial.
Si tas interesáu/da en collaborar, pues ponete en contautu cola fundación nel mail info@lasidra.as o al teléfonu 652 594 983
