El llagar de Sariegu algamó’l másimu gallardón nos IV Annual Cidercraft Awards, certame entamáu por una revista estauxunidense especializada na bébora; l’otru ellaboraor de Tiñana, tamién xubió al podiu d’esta bébora.
LA SIDRA.- ¡Norabona a Sidra Riestra! La so sidre natural foi gallardonada cola másima reconocencia de la so categoría nel IV Annual Cidercraft. Un certame entamáu pola revista Cidercrat Magazine, que tien la so base operaciones en Northlake Way, Seattle, Estaos Xuníos. Por si fuera poco, esti llagar ganó un premiu oru más con otra de les sos sidres. Y tamién felicitamos a Sidra Fanjul, de Tiñana, qu’algamó la plata nel mesmu concursu. El concursu pudo seguise al traviés de les sos redes sociales: https://www.facebook.com/cidercraftmag/videos/3208098559296353/
La categoría na que participaron foi la denomada como “Natural”. Trátase, sigún indica la espublización, de “sidre ellaborao n’estilos tradicionales con races de mazana ácides y semi ácides, colo que s’algama una acidez mayor y poca presencia borbolles. Nesta seición inclúinse sidres procedentes del territoriu español y tamién les que tan formientaes con dieldu natural, ensin amiestos.
Esta sidre compartió premiu platín col otra más, la Rabaska Classique del llagar Les Vergers Petit et Fils, llagar asitiáu en Mont-Saint-Hilaire en Québec, Canadá. Aparte, nesa mesma categoría Basq in the Glory de Nueva Jerssey ganó un doble oru, Good Clean Funk, tamién de Sidra Riestra, féxose con otru oru; Sidra natural Fanjul, de Tiñana, Asturies, algamó una plata, y la sidre de l’Asturies de Santillana, Somarroza ganó otra plata.
Tola información pue consultas nel enlla< de la revista Cidercraft: https://cidercraftmag.com/
