Los centros sanitarios van ufiertar menús especiales y dulces tradicionales
LA SIDRA.- Los servicios de restauración y hostelería de los ocho hospitales públicos asturianos ellaboraron menús especiales pa faer más afayaízala estancia de los pacientes ingresaos demientres les navidaes.
Ente los platos que se van sirvir nos distintos centros sanitarios va tar la sopa mariscu, merluza con amasueles y pataques afogaes, pavu rustíu con guarnición, pastel de tiñosu, sollombu en mueyu de pimienta, fideuá de muxones, rosbif con cogordes monteses con salteáu campestre, pitu caleya con ramiquín de verdures y pataques enfornaes crema de calabaza con cruxente ibéricu, salmón a la riberana, carrilleres al vinu tintu con cogordes monteses, ente dellos más. Tocántenes a los postres, les cocines van tresnar un de loss siguientes: charlota de turrón Xixona, llechi frito, tarta de tiramisú, tarta de trés chocolates, pera al vapor en mueyu de fresa y chocolate, hoxaldre de mazana, tarta quesu o flan de cenadoria.
Eso sí, a destacar que toos estos platos van acompañar con sidre axampanao ensin alcol, por que, pesia les circustancies, puedan brindar nestes fiestes como siempres faemos los asturianos, col nuesu productu más emblemáticu.
