La tienda amplía les sos instalaciones y refuerza el so surtíu llocal con productos asturianos como llechi, mantenga, compangu…. y por supuestu, sidre
LA SIDRA.- Lidl reabre les puertes de la so nueva tienda en Grau tres una modernización na que la compañía invirtió dos millones d’euros na so costrución y equipamientu. “Esta nueva tienda va cuntar con una relevante presencia de productos asturianos. Nos postreros meses Lidl reforzó’l so surtíu de prosimidá nes sos tiendes de Asturies, introduciendo nueves referencies de llechi, mantenga, sidre o compangu típicamente llocales, y tien previsto incorporar nuevos artículos el prósimu añu” siñala la compañía.
La sidre que podrá alquirise nesta nueva tienda ye la natural tradicional del llagar xixonés Menéndez. Hai de siñalar que la empresa merca más de trés millones d’euros añales en productos asturianos y ye una de les plataformes más importantes d’esportación de productos españoles al estranxeru. La compañía trabaya anguaño con seyes provisores llocales de forma siguida y cuenta con más de 20 referencies llocales.
Coincidiendo cola reapertura, la tienda punxo en marcha un sortéu de fasta 2.500 euros en cupones al traviés del so APP Lidl Plus, fasta’l 2 d’avientu, pa quien realicen la so compra na nueva tienda de Grau. Amás, los veceros, tamién van consiguir una bolsa de rafia y un portamazcarines, demientres esti díi d’apertura.
