L’enólogu y asesor técnicu de llagares, José Antonio Norniella, pronunció una conferencia sobro la COVID-19 y el so impautu na cadena de la sidra asturiano, encetando los principales problemes a los que s’enfrenten demientres la pandemia pumareros, llagareros, hosteleros y consumidores
¿Cómo afeuta l’andanciu al seutor de la sidra? Este foi la exa sobro’l que se estructuró la conferencia del enólogu José Antonio Norniella impartía demientres la Fiesta de la Sidre Natural de Xixón. El so entítulu foi: “La repercusión de la COVID-19 na cadena de valor de la sidre d’Asturies. Un presente complicáu… un futuru prometedor”. Una charra, hai que destacar, bien estructurada, amena, con datos precisos ya interesantes reflexones. Nesta reseña, vamos intentar esponer namás dellos de los puntos nos que l’especialista afondó demientres el coloquiu. Les temes encetaes estrémense en trés seutores de produición: primariu o pumareros, secundariu o llagareros y terciariu, centrándose na hostelería. Tamién tuvo un apartáu pa los consumidores.
