Desque’l pasáu avientu la Universidá d’Uviéu y el Conseyu Regulador de la DOP Sidre de Asturies roblaren l’aniciu de la Cátedra de la Sidre de Asturies, nun fueron pocos los finxos algamaos en cuantes investigación, divulgación y formación.
LA SIDRA.- Per un llau, rializáronse pa la Conseyería d’Educación trés unidaes didáutiques nos niveles d’infantil, primaria y secundaria. Unes unidaes que se centraron, fundamentalmente, na cultura sidrera. Per otru, empecipióse la colleición editorial de Cuadiernos de la Cátedra de la Sidre d’Asturies’, cuyu oxetivu ye introducir a los alunos na hestoria, la cultura y la dimensión científica de la sidrw.
Tamién s’apostó poles beques universitaries, cola incorporación de dos beques pa los trabayos fin de máster, una en Ciencies Sociales y Humanidaes, y otra en Ciencies Esperimentales. Otramiente, anicióse una beca de collaboración col Grau de Comerciu y Marketing de la Facultá de Comerciu, Turismu y Ciencies Sociales “Xovellanos”. Destacar, amás, que la Cátedra de la Sidre ye patrocinadora del entítulu universitariu ‘Asturies. Espaciu, Hestoria, Patrimoniu, Cultura’.
