Les redes sociales recueyen periódicamente espresiones de sospresa y disgustu pol avance del cosmopaletismu nel mundiu la sidre.
LA SIDRA.- El cosmopaletismu, esa tendencia que lleva a utilizar términos notres llingües pa referise a fechos propios que tienen espresión na propia llingua, por considerar que ye más culto y “fino”, ye un fenómenu que va a más nel mundiu sidreru y que ye espresión de la perda d’identidá del mundiu de la sidre nel nuesu país, siendo oxetu de crítiques continues dende les redes sociales por aquellos asturianos a los “que-yos sangren les oreyes” sintiendo semeyantes babayaes.
El postrer casu, per agora, saltó de magar la emisión del programa Mundu Sidreru, nel que talo como se denuncia nes RRSS, llagareros navetos, empleguen términos como “caldos” y “marcas”… pero ye un fenómenu ca vegada más xeneralizáu.
Cierto que nesti casu, al propiu cosmopaletismu hai d’amestar el procesu d’aculturización que carecemos n’Asturies dende cuantayá, que lleva a refugar la propia llingua y cultura, nun fenómenu d’autodespreciu xeneráu a lo llargo de munches xeneraciones de represión sistematizada.
