Escomenzaron el 30 d’ochobre, y van siguir fasta’l 8 de payares, les Xornaes Gastronómiques de la Cocina Tradicional a la sidre.
Con esta iniciativa inténtase afitar una de les xornaes gastronómiques más emotives y con más participación de les que se desendolcaven nel Conceyu y que se perdieren col pasu del tiempu.
Coles Xornaes Gastronómiques de la Cocina Tradicional a la sidre va poder esfrutase de los saborgos de tola vida de la nuesa gastronomía por aciu un menú o tapa cuya carauterística principal ye tar compuestu por preparaciones tradicionales de la cocina asturiana en que la so ellaboración tea presente la sidre. Tienen cabida nestes xornaes toa triba d’ellaboraciones que se vengan desendolcando hestóricamente nel país teniendo especial interés aquelles de marcáu aniciu xixonés.
Cola fin de dar puxu al calter tradicional d’estes Xornaes Gastronómiques encamiéntase que la sidre seya la bébora qu’acompañe a les ellaboraciones pudiéndose, sicasí, presentar cualisquier otra bébora (vinu, cerveza…) comu acompangamientu del Menú o Tapa.
Estupendos menús que van dende tapes a 3, 4 € (Sidrería Xixón y La Montera Picona de Ramón) hasta menúes completísimos que van dende los 16 a los 24 €.
Los establecimientos participantes son:
- Sidrería Montera Picona
- Sidrería Gijón
- Sidrería Canteli
- Sidrería Rio Astur
- Café Central
- Hotel Arena
- Johy El Pumares
- La Casa del Parque
- La Quinta del Ynfanzón
- La Terraza de Porceyo
- La Terraza de Viesques
- Merenderu’l Yantar
- Terraza de L’Arena
- Restorán Trasiegu
