El Bulevar de la Sidra n’Uviéu va ser l’escenariu d’un nueu concursu’l próxsmu domingu 20 setiembre a les 17:30
LA SIDRA.- Gascona, el Bulevar de la Sidra acueye’l próximu domingu una nueva prueba del XXVII Campionatu Oficial d’Echaores d’Asturies. Va dar empiezu a les 17:30 y va tar enartada dientru les actividaes rializaes nes Fiestes de San Matéu de la capital asturiana.
La cita cunta con premios económicos. Pal primer llugar 150 euros, pal segundu 120, pal terceru 100 y tamién va haber remuneración del cuartu al décimu puestu. Esto na categoría xeneral, ente que na llocal: el primera clasificáu va llograr 40 euros, y el segundu y el terceru 20 euros.
Hai de siñalar que la última prueba del certame realizóse’l pasáu’l sábadu 12 de setiembre. N’esti, Salvador Ondó, de les sidreríes El Mallu, féxose col primer puestu a nivel d’Asturies. El segundu foi para Wilkin Aquiles, otru gran conocíu d’esta triba concursos y que representaba a la Sidrería Avenida de Xixón. El tercer puestu foi p’Andrés Menéndez de Sidrería La Ballera, de Villaviciosa, chigre emblemáticu de la llocalidá. Amás, Andrés Menéndez llogró tamién el primer puestu a nivel llocal, siguíu de Chema Pezón, quien, como siñalemos enantes, foi l’echador del concursu de sidre de Villaviciosa.
