El certame internacional de vinos, espirituosos y aceites d’oliva virxe incorpora la bébora de mazana al so concursu
LA SIDRA.- Cumple la so décimosesta edición y cellébrase en Cáceres. El certame internacional de vinos, espirituosos, aceites d’oliva virxe, sakes y shochus va realizase del 10 al 13 de setiembre. Y como “gran novedá”, siñalen los entamaores, ye qu’esti añu amás de los tradicionales vinos y otros productos alcólicos que se presenten, tamién van participar sidres y vinagres.
Nesti concursu van participar productos d’una ventena de países comu Alemaña, Arxentina, México, Xapón, Perú, Portugal, Francia, Grecia, Venezuela, etc. En cuanto al xuráu, va cuntase como n’otros años con un xuráu internacional, y tamién nacional, con especialistes de la talla de la enóloga Carmen Aguirre, el sumiller Xacintu Domenech o’l direutor d’alimentación del Parador de Alcalá de Henares, José Valdearcos.
Los vinos sidres y espirituosos van ser valoraos sobro 100 puntos, utilizándose les fiches de tastia aprobaes pola Orgnización Internacional de la Viña y el Vinu y l’Unión Internacional d’Enólogos. Pa los premios apurriránse medalles d’oru y plata, y tamién gran-oru; a los productos que superen una puntuación determinada. Coles mesmes va otorgase un premiu Gran Cinve al que llogre la mayor puntuación de la so categoría.
