Un encamientu interesante, cultural, divertíu y bien seguru
LA SIDRA.- Demientres esti andanciu l’ociu diversificóse y tantu turistes como residentes tan a la gueta de nueves formes d’esfrutar del tiempu llibre, pero al empar, cumpliendo la normatia vixente pa torgar contaxos; baxo esta premisa’l sidreturismu convirtióse nuna activida perdemandada, tantu que lu fixeren caltenese nestos tiempos ya inclusu xorrecer..
Les visites a los llagres son divertíes, n’elles depréndese, descubrimos o deprendemos a ver un productu dende una perspeutiva diferente, aporten nueva información a la nuesa cultura gastronómica, y amás son mui, mui segures. Porque lo primero qu’hai nun llagar, aparte de mazana y sidre ye espaciu.
Nel artículu espublizáu en LA SIDRA d’Agostu facemos delles propuestes nesti sen:
- Llagar Trabanco: una esperiencia 360º
- Llagar de Quelo, tastia y maridaxes
- Llagar-sidrería Cabañón, un restorán pero tamién un muséu nel oriente
- El Gaitero, Padremuñu Hestóricu Industrial
- Sidra Cortina, marca de llagar y marca d’Asturies
- Llagar Castañón, tresmitir la pasión pola ellaboración de sidre
