La sidrería xixonesa entama una sesión vermú pal domingu 16 d’agostu a les 13:30 hores
LA SIDRA.- Manu Millán ye una de les voces más moces y prometeores del pop musical. Metanes de camín ente Andalucía y Asturies, el cantante supo faese un fuexu na escena artístico interpretando temes propios tantu en solitariu comu col so grupu De sur a norte.
El prósimu domingu 16 d’agostu Millán actuará nuna sesión vermú en La Montera Picona de Ramón, asitiada na cai Saavedra 3 en Xixón. L’actuación escomenzará a les 13:30 hores, y pa los que quieran acudir, encamentamos reservar mesa.
Remembramos dos coses. La primera ye que l’actuación ta entamada cumpliendo con toles midíes de seguranza pa torgar contaxos pola COVID-19 y que tamién ye una estupenda ocasión pa que quien nun conoz esti establecimientu, nun dubien en faelo. Namás dicir que n’esti añu foi reconocíu cola marca: Sidreríes d’Asturies-Calidá Natural.
