Dientru los actos entamaos pola DOP pa dar a conocer y esparder el consumu de les sos sidres esplumoses con Denominación d’Orixen, ayeri tuvo llugar una degustación abierta na tienda de productos gourmet Coalla de Xixón.LA SIDRA.- Na mesma ufrióse a los veceros d’esti establecimientu la oportunidá de tastiar la sidre brut de les marques Prau Monga, Emilio Martínez, Pomarina, El Gaitero, Poma Aurea y Solaya.
L’eventu cuntó con perbona aceutación pente los asistentes, siendo una interesante oportunidá pa dar a conocer esta versión de la sidre asturiana, especialmente pente aquellos veceros foriatos que nun conocíen más sidre que la tradicional d’escanciar. Destacó, sicasí, el conocimientu que los veceros asturianos tiníen d’estes sidres esplumoses, lo que demuestra’l so progresivu espardimientu pente los consumidores sidreros y l’ésitu de les munches campañes desendolcaes nesi sen.
Comu parte d’esta mesma axenda tendrá llugar un actu asemeyáu la selmana que vien en Ribesella.
(Visited 2.893.576 times)
