La xornada de tastia del grupu LA SIDRA cuntó con una escelente seleición de sidre, ente les que destacaron la nueva P5 y la bretona Kystin Cuvée XVII
La tastia mensual, qu’entamó con una preba de golores, incluyó esta vegada la sidre asturiano P5, Viuda de Angelón, Riestra, J. Tomás, la vasca Petritegi, y les bretones Kystin Cuvée XVII, sidre Brut Brun, y Keltys. Toes elles foron bien valoraes, destacando ente elles la nueva sidre P5 y la sidre con castaña de Kystin.
Comu quiera que nesta ocasión pudiemos cuntar cola presencia del reconocíu tastiaor de sidre, Joaquín Fernández, aprofitemos pa siguir les sos desplicaciones, y pa pidí-y unes notes de tastia d’estes dos sidres, qu’esponemos darréu.
P5
Collor doráu claru.
En vasu bon aguante, espalme correchu y un pegue finu, uniforme y persistente.
Arumes llimpios frutales y de bona intensidá.
Saborgu con bona intensidá y llixera acidez, sidre fresco y tienro
Kystin Cuvée XVII
En copa presenta un collor ámbare escuru con llixeru cercu d’espluma.
Apréciase densidá con borbolla en suspensión.
Arume intensu a mazana y castaña
Saborgos bien intensos con bona persistencia en boca, meciéndose saborgos bien prestosos a mazana y castaña mui compensaos y con munchu equillibriu.
Una xornada de tastia bien afayaíza que yá mos lleva a camentar na del mes viniente: el primer xueves de ca mes.
