La iniciativa ta impulsada pola conceyalía de Comerciu y Hostelería del conceyu
LA SIDRA..- El Conceyu Mieres punxo en marcha una campaña de promoción d’estos seutores que, so’l Llema “Esti branu, vémosmos en Mieres”, pretende dar a conocer tolos recursos colos que cunta’l conceyu y que lu fain un bon destín pa esfrutar d’una xornada de bona xinta; y comu non, acompangaos de la bébora más emblemático d’Asturies y que tantu enraigonamientu tien na cuenca minera.
La gastronomía ye protagonista de la campaña, onde tamién hai espaciu pa destacar la calidá y la cercanía del comerciu, asina comu la so calidá y profesionalidá. Pa ello punxérense pines en forma de vídios que puen vese en redes sociales y la canal de Youtube del Conceyu de Mieres, amás d’otros materiales ellaboraos pa promover el comerciu y l’hostelería y aidar asina a reactivar el texíu económicu del conceyu tres la crisis del COVID-19. Nestos podemos ver cómo la xente esfruta bebiendo unos culinos en distintos chigres de la localidá.
Amás abrióse tamién una páxina Facebook: ‘Saborgos de Mieres’, pa dar puxu a esta campaña y siguir apostando pol comerciu y l’hostelería llocal, seutores fundamentales pa la economía y l’aniciu d’empléu del conceyu. Una páxina onde Mieres y tolo que la so hostelería y el so comerciu tienen qu’ufiertar son protagonistes.
