Nueva aportación pa francer la cadena del coronavirus nos chigres
LA SIDRA.- Si daqué dexa claro l’andanciu del coranovirus ye la vitalidá del mundiu sidreru, y la so capacidá de dar rempuestes útiles y orixinales a les necesidaes que van xenerándose. Ello asina, yá falemos nesta ueb de los vasos de collorinos, el gabitu, el “tu enriba, abaxu yo“, y agora vien el portavasu chigreru, un modelu d’apurrior en forma de botella sidre diseñáu y rexistráu en “patentes y marques d’España”, pola xoven Marieva Barrios, que con namás 15 años úfremos una ferramienta más qu’afayaiza pa reducir l’ária de contautu ente echaor y veceru, asina como evitar el posible tracamundiu de vasos, porque ca veceru faise cargu del so vasu.
El Portavasu chigreru, qu’entamó a emplegase nel chigre La Fueya de Tomás -Xixón- y que ca vuelta ta más espardíu, ye distribuyíu por Sunday Desing n’esclusiva. Fabricáu n’Asturies con materiales de calidá, camentáu pa usu profesional y qu’ufre les ventayes que vienen darréu:
- Torgar el contautu direutu ente echaor y veceru.
- Másima hixene
- Rápida llimpieza y desinfeición de la superficie
- Gran durabilidá
