L’Asociación de Pumareros d’Asturies –APA-, reclama al “Principado” aída urxente pal seutor sidreru
LA SIDRA.- Juan Luis Poladura, presidente de l’APA considera que la cris sanitario y la obligación de presllar los chigres desixe una aída urxente por parte del “Principado”, al empar qu’afirma qu’el problema nun ta no que se perdió agora, sinon lo que van perder nos meses vinientes.
Ello asina, púnxose en contautu col conseyeru Alejandro Calvo pa solicita-y un aconceyamientu nel que participen tolos integrantes del seutor pa guetar xuntos una solución al futuru del mesmu.
Poladura considera que “la sidre ye un de los pegollos más fuertes d’Asturies y nun podemos dexalu cayer”, y llamenta la falta movimientos qu’hebio fasta agora a esti respeutu y pidi una actuación inmediato.
Como ye persabío, y pesia lo anunciao nun entamu pol “Principado”, entá nun se cunta con un Plan Estratéxicu pa la Sidre y la Mazana, lo que supón qu’en circustancies como les d’anguañu, col Covid19, les posibilidaes de rempuesta vense enforma llimitaes.
