La Guía del Cachopo entama’l I Festival del Cachopu Plaza Toros Las Rozas del 14 al 17 setiembre.
LA SIDRA.- Participarán un total de nueve restoranes asturianos de Madrid premiaos los más d’ellos nos Concursos de Cachopos de la ciudá, y el Campión del concursu Meyor cachou y cachopín d’Asturies 2017: la sidrería Pichote d’Uviéu.
Nesti eventu gastronómicu serviránse -amás del citáu platu que ta trunfando per tol estáu- una amplia variedá de la cocina de la nuesa tierra. Dientru’l ruedu istalaráse una caseta con productos asturianos como quesu,embutíos, empanaes, conserves, bollos preñaos, etc.
Tamién se cuntará con un espaciu pa los más piqueños de la casa, darréu que s’afayará una fastera pa neños y neñes con actuaciones en direutu tolos díis de magar les siete y media la tardi.
La tardi nuechi tará amenizada con música española. El xueves dende les seyes de la tardi fasta les dos de la mañana, y el restu de la fin de selmana del meudíi fasta, tamién, les dos de la madrugada y n’horariu ininterrumpíu. Estie eventu completa los que la Guía del Cachopo entama a lo llargo l’añu destacando los concursos que fai n’estremaos puntos xeográficos del territoriu español.
