Lo mesmo que fixeron los llagares, los chigres tamién se reinventen pa poder caltener l’actividá y dar serviciu a los veceros
LA SIDRA.- Lo mesmo que los llagares dieron puxu a la entrega de la sidre a domiciliu, los chigres – munchos de los cualos yá cuntaben con esti servidiu- tamién tan dando puxu al serviciu de xinta a domiciliu, una opción cola que poder sobrovivir al confinamientu y de poder atender a los veceros, que non solo echen de menos la sidre, sinon los menús y la cocina de los chigres.
La cris sanitario y el confinamientu va allargándose y les perspeutives d’apertura nun paecen probables polo menos fasta xunu, asina que son munchos los chigres que decidieron reinventase pa poder sobrovivir a esta pandemia. Per otru llau, y nun ye menos importante, son munchos los veceros qu’estrañen nun poder esfrutar de la cocina de los chigres, unos callos, un cachopu, una llubina… ellaboraos col estilu propiu de ca chigre, y ensin los cualos paez que falta daqué. Y too ello cola sidre de siempres, ensin echaor que mos la sirva, ye cierto, pero afayándose a les circustancies.
Los chigres tiénenlo complicao nesta cris sanitaria, pero lo pior que lleven los chigreros ye la falta referencies ¿cuantu pue durar? ¿hai que poner mampares? ¿hai que recurtiar l’aforu? Munches entrugues qu’agora mesmo nun tienen rempuesta y que caltienen al seutor en vilu, buscando como afayase a les nueves circustancies, y siempres dimpuestos a tar ehí en cuantes les dimposiciones sanitaries-yos lo permita.
