Los xenuinos echaores llétricos de Coemastur permiten seguir l’actualidá social al traviés de les sos peculiares carauterizaciones
LA SIDRA.- La postrer presonalización d’un Isidrín, la “enfermera echaora en tiempos de coronavirus” ye una amuesa de como esti echaor llétricu espeya la rialidá social en ca momentu. Dende la rivalidá fubolística Xixón / Uviéu, a les piragües del Sella, pasando pel camín de Santiago, a les carroces, les fiestes de pueblu, el mélicu, el papa noel, de sanfermineru, col traxe’l país, mineru, campesín… y agora, en plena pandemia, d’enfermera echaora.
Arriendes de la so utilidá evidente como echaor, de la bona fechura y del trabayu artísiticu que suponen toes estes carauterizaciones, los Isidrinos son una orixinal espresión de la cultura asturiana de la sidre, y sobro tou, del compromisu d’esta empresa col seutor sidreru en particular, y con Asturies en xeneral.
Dende LA SIDRA agradecemos el so llabor, y damos-y la norabona por tan bon trabayu.
