Concursu d’echaores y bayurosa programación musical.
LA SIDRA.- L’Asociación de Sidreríes de la cai Gascona, amiesta a les fiestes de San Matéu n’Uiéu, una programación especial qu’escomenzará’l vienres col Concursu d’Echaores de Gascona na so XVI edición y nes sos categoríes xeneral, llocal y d’echaores que presten los sos servicios nel Bulevar de la Sidre. El concursu ta dotáu d’importantes premios en metálicu, y pa los echaores, vencer na emblemática cai ye un aval de profesional d’esperiecia.
Na carpa istalada al llau del tonel identificativu del Bulevar d ela Sidre, cellebraránse varios conciertos con horariu de les nueve de la nuechi a les once. El vienres 15 xubiráse al escenariu el grupu Cum Laude, cola so música allegre y positiva. El sábadu actuará Lady Llagar, qu’interpretará cancios d’estremaos estilos y que trunfó en Muyeres Fest. El domingu 17 canciarán Son del Carmen, grupu asturianu con más d’una década d’ésitos nes sos interpretaciones de boleros y sones cubanos.
El llunes 18 toca’l turnu a Silvidos y Gemdios -dúu formáu por Silvia y Gema Fernández, perpopular polessos numberoses actuaciones n’Asturies. A la fin, el miércoles 20, presllando la progarmación del Bulevar,a ctuará’l grupu asturianu de rock Los Cómodos.
