Bases pa participar nel concursu-sortéu d’un echaor llétricu de COEM Astur, entamáu pola revista LA SIDRA en collaboración con dicha empresa.
1.- Podrán participar toles persones que tean una cuenta en Facebook, un corréu lletrónicu y que respuendan a la entruga: ¿Cuál ye’l primer documentu asturianu, conocíu a díi de güei, nel que se noma específicamente a la sidre?
2.- La respuesta tien que ser unviada por mediu de corréu lletrónicu a: concursoslasidra@gmail.com
3.- El plazu pa unviar la rempuesta va ser del 4 de marzu de 2020 al 15 de marzu de 2020, dambos inclusive.
4.- Los usuarios de los correos lletrónicos recibíos y que contestaren acertadamente a la entruga, van entrar a un sortéu nel que por mediu d’una rifa va escoyer al usuariu/a ganador/a.
5.- El premiu ye un Isidrín Mineru de COEM Astur. Solo va apurrise un Isidrín al ganador/a d’ente tolos participantes nel sortéu.
6.- La resultancia del ganador/a va espublizase en Facebook, polo que los participantes acepten qu’el so corréu lletrónicu o la so cuenta en Facebook puedan ser mentaos na citada rede social. Tamién acepten que s’espublice una semeya del ganador/a recibiendo’l premiu na see de la revista LA SIDRA que se va Espublizar na Fanpage de la revista La Sidra en Facebook y na espublización en papel de la revista del siguiente mes dende’l momentu de la entrega del premiu.
7.- El sortéu rializaráse’l 19 de marzu de 2020.
8.- L’usuariu del corréu ganador/a xuntu cola rempuesta acertada van dase a conocer el 20 de marzu de 2020 per Facebook y va unviase, coles mesmes, un corréu lletrónicu al ganador/a al traviés de la cuenta de corréu qu’utilizó pa participar nel concursu-sortéu.
9.- L’echaor llétricu Isidrín de COEM Astur podrá recoyese na see de la revista LA SIDRA (cai Decanu Prindes Pando. 11, baxu, Xixón, Asturies). N’horariu de 10:00 a 13:00 hores. Los díis hábiles, de llunes a vienres, demientres los meses de marzu y abril.
10.- El premiu nun se va unviar, de denguna manera, al ganador/a. La única forma de recibilu va ser recoyelu presonalmente na see de la revista nos díis y horarios eesplicaos nel puntu 11.
11.- Alcordaráse una fecha y un horariu d’entrega por aciu corréu lletrónicu al traviés de la cuenta de corréu que’l ganador/a utilizó pa participar nel concursu-sortéu.
12.- En casu de que’l ganador/a refugue’l premiu, tornará rializáse’l sortéu, namáw, ente los mesmos participantes qu’acertaren a la entruga del concursu. La fecha del sortéu anunciaríase en Facebook.
13.- Pa participar nel concursu-sortéu, los correos lletrónicos unviaos van tener que ser recibíos nel corréu lletrónicu: concursoslasidra@gmail.com y responder acertadamente a la entruga. Los correos lletrónicos que, por dalgún motivu, nun llegaren o fueren recibíos en tal cunta, nun van entrar nel sortéu.
14.- La revista LA SIDRA ye la única responsable d’esti concursu-sortéu. Tantu la revista, como la so Fanpage, esoneren de toa responsabilidá a Facebook. Esti concursu-sortéu nun ta patrocináu, nin sofitáu, nin alministráu por Facebook, nin acomuñáu de denguna mientea Facebook.
15.- El fechu de participar nesti concursu-sortéu supón la completa aceptación de les presentes bases.
