Entamáu pol Serida, tendrá llugar el prósimu vienres 28 febreru
LA SIDRA.- El Serviciu Rexonal d’Investigación y Desendolcu Agroalimentariu –Serida–, y la Conseyería de Desendolcu Rural, Agroganadería y Pesca del “Principado”, entamen la Xornada de fradaura y curiaos d’iviernu en pumaraes de sidre’, que va cellebrase’l vienres, 28 febreru, en Villaviciosa.
La xornada consiste n’una parte espositiva, que se va desendolcase nel Cientru Cultural San Xuan del Capistrano de magar les 9:30 hores, y una parte práutica, que va tener llugar nes parceles esperimentales del Serida onde se va realizar la fradaura.
El programa va encetar temes d’interés pa los pumareros de mazana de sidra, como la fertilización y caltenimientu de llínies, protección fitosanitaria, actuaciones específiques en nuevos llantíos, fradaura de formación y de fructificación.
Esta xornada va tar desendolcada pol equipu del Programa de Fruticultura, que cordina l’investigaor Enrique Dapena.
