Van ufiertar menús especiales demientres les fiestes navidiegues
LA SIDRA.- Los servicios de Restauración y Hostelería de los ocho hospitales públicos d’Asturies ellaboraron menús especiales para faer más prestosa la estancia de los pacientes ingresaos demientres les navidaes. Y, cómo non, en munchos d’ellos inclúise sidre d’espolleta ensin alcol. ¿Cómo brindar ensin ella? La bébora va sirvise, por exemplu, nel San Agustín, el HUCA o l’Hospital Valledel Nalón, pudiendo ser, según el casu, en Nuechibona, Navidá, Nuechivieya y Añu Nuevu.
Tocántenes a los platos que van tresnar demientres les fiestes tán, dependiendo del hospital y nes estremaes feches: sopa mariscu, pixín con amasueles, chuleta a la chapa; pastel de tiñosu, bacalláu, marmita de llagostinos, medallón de xata, corderu asáu, salmón, rosbif con frutos del monte, sollombu de gochu con cebolla carammelizada, supremes de merluza a la cazuela con salteáu de gules, llombu de gochu con tiez de frutos secos, ente munchos más. De xacíu, tamién se van sirvir postres especiales, dulces tradicionales, y, el díi de Reis, va haber igualmente menú especial. Por exemplu, nel HUCA van sirvir nel almuerzu un roscón ellaboráu polos profesionales de la cocina.
