Con un amenorgamientu previstu de fasta un 20 % de la población asturiana en pocu más de 10 años, el mercáu potencial de la sidre va amenorgar de forma esponencial
LA SIDRA.- D’eso trata l’artículu espublizáu na revista LA SIDRA d’esti mes, la primer parte d’un analís sobro la situación que se ta xenerando de resultes de lo que vieno denominase ésodu, sangría poblacional, llombada demográfica, o inclusive xenocidiu anunciáu pa quien denuncien les responsabilidaes polítiques d’esti fenómenu.
Lo cierto ye que les polítiques de desindustrialización planificada y de destruición del texíu sociu-económicu a la que ta sometía Asturies polos distintos gobiernos centrales dende los años 70, provocó un xorrecimientu del paru y la precariedá llaboral, que forzó a la emigración a decenes de miles de mozos asturianos, favorecidendo con ello una cayía de la natalidá ensin precedentes, qu’agora mesmo dobla la media española.
Énte unes previsiones d’un amenorgamientu de población que puede superar el 20% en dellos conceyos, con un menor de 15 años per ca cuatro mayores, un cenciellu analís lleva a la conclusión de que ye urxente cuntar con una Plan Estratéxicu pa la Sidra y la Mazana –PESMA- que dexe superar politicas improvisaes y llindar redes clientelares y amiguismos.
