A puntu faer los 20 años, el chigre tien esi saborgu de la tradicional sidrería de tola vida. Los xerentes, Adrián Méndez y Jorge del Cueto, encárguense de que seya asina recibiendo a ca veceru y amigu con una sorrisa, bona sidre y bona xinta
LA SIDRA.- Como especialidá podríe dicise muncho del pulpu’l Cantábricu, de Cuideiru, qu’equí se xinta con unes fabes d’Anlleo, y siempres con esi saborgu a mar tan carauterísticu del pulpu de la nuesa costa. Dignu anfitrión del platu, nes sos estremaes formes de tresnalu.
Otres viandes y manxares de la tierra astur son les caces de gochu, el fégadu de xata, los callos caseros, los tortos de maiz, l’entrecot de xata, los calamares frescos, y por supuestu los cachopos, siendo especialmente d’encamentar el de calabacín, destaquen tamién el de setes con matachana y quesu, o’l de choscu de Tinéu con quesu cabra. De postre, un auténticu lluxu, la tarta’l güelu, imprescindible.
De sidre, tan bien servíos, Fran y Val d’Ornón, inclusu sangría de sidre.
Con semeyantes argumentos ye nidio qu’hai que visitar esti chigre y conocer lo qu’ellí se tresna, too con un bon ambiente sidreru y familiar. ¡Espérenvos, y paga la pena!
El Trampolín. Avda Torrelavega 30. Uviéu T. 985 201 315
